唔经唔觉又到S/S season，大家呢季谂好行咩style？装备战衣ready未？潮流呢家嘢，以为盲跟就work，咁咪错晒啰！最紧要係搵到自己character，行啱路线，做最charming嘅自己。今年春天，一定係粉色系天下，睇2016 Pantone代表色—浅粉红色同粉蓝色就知啦！夹番啱自己嘅生活态度，食乜着乜跟住嗰只色，拥有粉嫩肤色不是梦！

浅粉红色—小资可爱风（代表蔬果：草莓，Pantone色号：Rose Quartz 13-1520）

唔係港女先做Pink Lady

锺意浅粉红色都唔等于娇生惯养，反而令人更加精神有自信，可爱得嚟有轻熟少女嘅韵味，一于用今年大热Pantone色推翻颜色死板印象！

圆领短身针织上衣

短身衫有修身效果，突出身材线条，针织系一秒令你变斯文！

草莓北海道奶露

生活压力大冇晒胃口？香甜士多啤梨同幼滑牛奶perfect match，有效促进消化，吸收多啲维他命帮你增强抵抗力。

粉盒

今季大热妆容一定都係走粉色系嘅樱花妆，可爱色泽提升成个人气质。要keep住靓样更加要个粉盒傍身补妆。

方形斜孭袋

方形感觉大方得体，散发出成熟魅力，粉红色都唔一定係小女孩。

粉黄色—气质文青风（代表蔬果：白桃，Pantone色号：Sunshine 12-0727）

文青系女生继续吸睛

成日俾人话外表斯文，其实内里open？！慢热不是罪，唔习惯一识人就揽头揽颈！粉黄色呢种舒服又开朗嘅色调，赐你白桃嘅吸引力，亲切度大增！

针织间条毛衣

较高领嘅针织款继续大行其道，配合春季换上醒神黄色，更有青春嘅气息。

白桃蜂蜜苹果芦荟甘露

艺术家脾性搞到饮食唔定时？Juicy白桃有丰富纤维，加埋蜂蜜同芦荟，滋养又解渴，同时改善肠胃健康。同疲劳say byebye，自然面色有光泽！

笔记簿

文人必备—纸、笔、乜……都要亲手记录低身边嘅小确幸。

仿皮小斜孭袋

仿皮质感俾人一种小复古感觉，将文艺气息二度加强。

浅粉橙色—活泼知性风 （代表蔬果：番茄，Pantone色号：Flame Orange 15-1157 TPX）

跳跳札跳出comfort zone

大动作啲就俾人话粗鲁？So what？！橙色证明你对生活有热情，全情投入！女仔性格绝对唔係得1、2种，继续瞓身享受同感受everyday！

麻布质地恤衫

将知性味浓嘅恤衫以活泼嘅橙色展现，含蓄地张狂，仲唔係衣着宣言？

番茄银杏杞子鲜鱼汤

成日对住萤光幕，搞到双眼无神？番茄有抗氧功效，帮你重塑白皙肤色，夹埋银杏同杞子就有明目作用，搵番对灵魂之窗，係春天最好嘅养颜汤水。

润唇膏

想化到流行渐变唇妆，首先要保养好双唇，点少得润唇膏？

储物小袋

零散物品周围摆真係好易失蹤，醒目要用sharp色细袋装起晒，方便易打理。

嫌粉色系太cute？唔紧要，低调作风就由酒红色同你面色upgrade！

酒红色—事业打拚风（代表蔬果：红菜头，Pantone色号：Marsala 18-1438）

女强人要做运动

又要凑b、又要打理家头细务，身兼多职，贤淑淡定嘅酒红色就啱事业型女性去表明态度，唔半途而废，做运动减压都要坚持、坚持、再坚持！

Sporty棉卫衣

运动已经成为呢几年潮流元素，点可以无件Sweater嚟mix&match？

红菜头姬松茸杂豆素汤

事业同健康一样重要！呢款汤水可以清肝排毒，排走身体毒素，时刻保持最佳状态，仲适合素食人士添。

自备餐具

学今届Oscar影帝Leo话斋，唔好当生活喺地球係老奉，自己餐具自己带，锡环境锡自己，做人会开心好多。

卡片套

有个似样嘅酒红色卡片套，介绍自己都自信啲，工作更加得心应手。

搵到你嘅专属Pantone色未？

想试更多春日粉红滋味，即刻去鸿福堂分店啦！